ՌԱԶՄԱՎԱՐԱԳԵՏ

Home » Իրադարձություններ / Events » Հայկական Ինտերնետ կառավարման համաժողով – 2016

Հայկական Ինտերնետ կառավարման համաժողով – 2016

01

Հոկտեմբերի 5-ին մեկնարկեց Երկրորդ Հայկական Ինտերնետ կառավարման համաժողովը` «ArmIGF 2016», որը կազմակերպվել էր «ՀՀ Ինտերնետ կառավարման համաժողով» միջգերատեսչական խմբի կողմից, ՀՀ Տրանսպորտի և կապի նախարարության, ինչպես նաև «Ինտերնետ հանրություն» ՀԿ-ի աջակցությամբ: Համաժողովի օրակարգում քննարկվող թեմաներն էին ինտերնետ կառավարումը՝ կայուն և ներառական զարգացման համար, ՏՏ աշխատաշուկայի մարտահրավերները, սոցիալական ցանցը՝ որպես բիզնես գործիք, կիբեռանվտանգությունը՝ օրվա հրամայական, ինտերնետ կառավարման ունակությունների զարգացումը, ինչպես նաև ոլորտին առչնվող բազմաթիվ այլ հարցեր: Համաժողովի «Կիբեռանվտանգություն՝ օրվա հրամայականը» խորագրով քննարկմանը մասնակիցներն անդրադարձան կիբեռանվտանգությանն առնչվող մարտահրավերներին ու լուծումներին, ինչպես նաև եղան քննարկումներ այնպիսի հարցերի շուրջ, ինչպիսիք են` «Կիբեռանվտանգություն» հասկացության սահմանումը, Հատուկ կրիտիկական տեղեկատվական ենթակառուցվածք, Էլեկտրոնային ստորագրություն, Գաղտնագրման համակարգեր և այլն:

«Կիբեռանվտանգություն՝ օրվա հրամայականը» թեմայով քննարկմանը մասնակցում էին ՀՀ ՊՆ Պաշտպանական ազգային հետազոտական համալսարանի պետ, քաղաքական գիտությունների դոկտոր, պրոֆեսոր, գեներալ-լեյտենանտ Հայկ Քոթանջյանը և ՊԱՀՀ-ի Ազգային ռազմավարական հետազոտությունների ինստիտուտի Տեղեկատվական-հաղորդակցային տեխնոլոգիաների և ազգային անվտանգության քաղաքականության կենտրոնի պետ Արման Գրիգորյանը: Նրանք իրենց մասնագիտական գնահատումներն են հնչեցրել համաժողովում քննարկվող թեմաների վերաբերյալ:

02

Քննարկման ընթացքում դոկտոր Քոթանջյանը նշել է, որ ՊԱՀՀ-ում զգալի տեղ է հատկացվում կիբեռանվտանգությանը և տեղեկատվական ռեսուրսների կառավարմանը: Դրանց են միտված նաև Համալսարանի կազմում Տեղեկատվական-հաղորդակցային տեխնոլոգիաների և ազգային անվտանգության քաղաքականության կենտրոնի հիմնումը և դրա զարգացմամբ՝ Կիբեռանվտանգության և տեղեկատվական ռեսուրսների զարգացման ռազմավարության ինստիտուտի ստեղծումը: ՊԱՀՀ-ի երիտասարդ գիտնական-վերլուծաբանները, կիբեռանվտանգության ոլորտի մասնագետները, միջազգային հեղինակավոր հետազոտական համալսարանների գործընկերների հետ սերտ համագործակցությամբ, նրանց փորձի ուսումնասիրմամբ և դրա՝ Հայաստանում տեղայնացմամբ, ջանում են զարգացնել ու բարձրացնել մեզանում անվտանգային խնդիրների հետազոտության մակարդակը՝ ի նպաստ պետության անվտանգության ամրապնդման:

ՀՀ ՊՆ Պաշտպանական ազգային հետազոտական համալսարան

___________________________________________________________________________________

ՈՒՇԱԴՐՈՒԹՅՈՒՆ. «ՌԱԶՄԱՎԱՐԱԳԵՏ» ԲԼՈԳ-ԿԱՅՔԻ ՀԵՂԻՆԱԿԱՅԻՆ ԻՐԱՎՈՒՆՔՆԵՐԻ ՊԱՇՏՊԱՆՈՒԹՅԱՆ ՎԵՐԱԲԵՐՅԱԼ

ՀՀ ՊՆ ՊԱՀՀ-ի «Հայկական բանակ» ռազմագիտական հանդեսի և դրա «Աշխատանքային տետրեր» հավելվածի՝ «Ռազմավարագետ» բլոգ-կայքում տեղադրվող բոլոր համարները, ինչպես նաև կայքի մյուս բոլոր հրապարակումները պաշտպանված են Հեղինակային իրավունքով: Մեջբերումներ անելիս հղումը «Razmavaraget.wordpress.com»-ին պարտադիր է: Հեղինակային հոդվածների, գրառումների, հանդեսի «PDF» համարների, լուսանկարների մասնակի կամ ամբողջական վերարտադրությունն այլ կայքերում կամ զանգվածային լրատվամիջոցներում առանց «Razmavaraget.wordpress.com»-ին հղման արգելվում է:

© ՀՀ ՊՆ Պաշտպանական ազգային հետազոտական համալսարան:
© Բոլոր իրավունքները պաշտպանված են, 2016