ՌԱԶՄԱՎԱՐԱԳԵՏ

Home » Articles posted by Razmavaraget

Author Archives: Razmavaraget

Advertisements

Գրիշա Աղաջանյան. «Փոքր պետությունների ֆենոմենը. Հայաստանի Հանրապետությունը՝ որպես փոքր պետություն»

2018 թ. փետրվարի 15-ին ՀՀ ՊՆ Պաշտպանական ազգային հետազոտական համալսարանի Ազգային ռազմավարական հետազոտությունների ինստիտուտի Տարածաշրջանային ռազմավարական վերլուծությունների կենտրոնի կողմից կազմակերպվել էր սեմինար՝ «Փոքր պետությունների ֆենոմենը. Հայաստանի Հանրապետությունը՝ որպես փոքր պետություն» թեմայով:

Սեմինարում ներկայացվել են այս խնդրի վերաբերյալ ՊԱՀՀ-ի ԱՌՀԻ-ի Տարածաշրջանային ռազմավարական վերլուծությունների կենտրոնի գիտնական-վերլուծաբան, ՊԱՀՀ-ի ասպիրանտ Գրիշա Աղաջանյանի կատարած հետազոտության արդյունքները: Հետազոտության նպատակն է հասկանալ, թե արդյոք մասնագիտական գրականության մեջ առկա տեսությունների համաձայն ՀՀ-ին կարելի է դասակարգել փոքր պետությունների շարքին, ինչպես նաև ուսումնասիրել փոքր պետությունների արտաքին քաղաքականության վրա ազդող գործոնները: Այն, ըստ հեղինակի, հնարավորություն կտա պարզաբանելու փոքր պետությունների համար փափուկ, թե կոշտ ուժի կիրառումն է ավելի ձեռնտու, կամ գուցե ավելի նպատակահարմար և արդյունավետ է դրանց համատեղումը՝ խելացի ուժի կիրառման տարբերակով: Համադրելով տարբեր հեղինակների կողմից առաջարկված սահմանումները՝ հեղինակն իր հետազոտության մեջ եզրակացնում է, որ Հայաստանի Հանրապետությունը քանակական չափորոշիչներով համապատասխանում է «փոքր պետութուն» հասկացությանը: Ըստ բանախոսի՝ Հայաստանը լինելով փոքր պետություն և ունենալով սակավ հնարավորություններ, պետք է օգտվի փոքր պետությունների արտաքին քաղաքականության ամբողջ գործիքարանից, որի կարևոր բաղադրատարրերից են «փափուկ, կոշտ և խելացի ուժերի» կիրառումը:

Հիմնական բանախոսի զեկուցումից հետո ծավալվեց ակտիվ քննարկում և կարծիքների փոխանակում: Թեմայի վերաբերյալ իրենց գնահատումներն ու կարծիքները հայտնեցին քննարկման վարող, ՊԱՀՀ-ի պետի՝ գիտության գծով տեղակալ-Ազգային ռազմավարական հետազոտությունների ինստիտուտի պետ, պ.գ.թ. Բենիամին Պողոսյանը, ՊԱՀՀ-ի ԱՌՀԻ-ի Տարածաշրջանային ռազմավարական վերլուծությունների կենտրոնի պետ, պ.գ.թ. Դավիթ Մանասյանը, նույն կենտրոնի գիտնական-վերլուծաբաններ՝ տ.գ.թ. Ազատ Դավթյանը և ք.գ.թ. Մհեր Սահակյանը, ՊԱՀՀ-ի Ռազմավարական պաշտպանական-անվտանգային կրթության ազգային ինստիտուտի Գիտաուսումնական կենտրոնի պետ Աննա Գևորգյանը և ՊԱՀՀ-ի ավագ սպա, ՊԱՀՀ-ի հայցորդ, մայոր Առլեն Շահվերդյանը:

© ՀՀ ՊՆ Պաշտպանական ազգային հետազոտական համալսարան

___________________________________________________________________

ՀՀ ՊՆ Պաշտպանական ազգային հետազոտական համալսարանի «Ռազմավարագետ» բլոգ-կայքի կանոններով՝ դրանում տեղադրված բոլոր նյութերի, հրապարակումների հեղինակային իրավունքները պաշտպանված են: Հոդվածների, գրառումների, «Հայկական բանակ» ռազմագիտական հանդեսի և «Աշխատանքային տետրեր» հավելվածի համարների, լուսանկարների մասնակի կամ ամբողջական վերարտադրությունն այլ կայքերում կամ զանգվածային լրատվամիջոցներում առանց «Razmavaraget.wordpress.com»-ին հղման արգելվում է:

Advertisements

Գեներալ-լեյտենանտ Հայկ Քոթանջյանը զեկուցում-դասախոսությամբ հանդես է եկել «Մխիթար Սեբաստացի» կրթահամալիրում

ՀՀ Պաշտպանության նախարար Վիգեն Սարգսյանի կողմից հանրահռչակված «Ես եմ» և «Պատիվ ունեմ» ծրագրերի ներկայացման նպատակով, ՀՀ ՊՆ և ՀՀ ԶՈՒ-ի ԳՇ բարձրագույն սպայական կազմի կողմից անցկացվող հանդիպումների շրջանակում, ս.թ. փետրվարի 2-ին ՀՀ ՊՆ Պաշտպանական ազգային հետազոտական համալսարանի պետ, քաղաքական գիտությունների դոկտոր, պրոֆեսոր, գեներալ-լեյտենանտ Հայկ Քոթանջյանն այցելել է Երևանի «Մխիթար Սեբաստացի» կրթահամալիրի Ավագ դպրոց: Նրան ուղեկցում էին ՊԱՀՀ-ի պետի տեղակալ, գնդապետ Գևորգ Սարուխանյանը, ՊԱՀՀ-ի գիտնական-վերլուծաբան, քաղաքական գիտությունների դոկտոր, պրոֆեսոր, փոխգնդապետ Տիգրան Քոչարյանը և ՊԱՀՀ-ի ավագ սպա, մայոր Առլեն Շահվերդյանը:

Գեներալ-լեյտենանտ Քոթանջյանին ընդունել է կրթահամալիրի տնօրեն Աշոտ Բլեյանը, և նրա ուղեկցությամբ հյուրերը ճանաչողական շրջայց են կատարել կրթահամալիրի Ավագ դպրոցում՝ ծանոթանալով հաստատության շենքային պայմաններին, իրականացվող կրթական ուրույն ծրագրերին և նորարարական մոտեցումներին:

Շրջայցից հետո Ավագ դպրոցի «Սեբաստիա» դահլիճում, կրթահամալիրի տնօրեն Աշոտ Բլեյանի, կրթահամալիրի Ավագ դպրոցի ղեկավար Մարթա Ասատրյանի, կրթահամալիրի սաների ու դասախոսների մասնակցությամբ կազմակերպված հանդիպմանը, գեներալ-լեյտենանտ Հայկ Քոթանջյանը և փոխգնդապետ Տիգրան Քոչարյանը հանդես են եկել զեկուցում-դասախոսություններով՝ ներկայացնելով «Ես եմ» և «Պատիվ ունեմ» ծրագրերի հիմնադրույթները՝ «Ազգ-բանակ» հայեցակարգի համատեքստում:

Գեներալ-լեյտենանտ Քոթանջյանն իր խոսքում ներկայացրել է նաև ՊԱՀՀ-ի կրթական գործընթացի մեկնարկը և հիմնական ձեռքբերումները Համալսարանի բացման արարողությունից հետո: Նա նշել է ՊԱՀՀ-ի միջազգային համագործակցային շրջանակը, Համալսարանի կողմից կիբեռռեսուրսների կառավարման համակարգի երկու անկյունաքարային փաստաթղթերի՝ «ՀՀ Կիբեռանվտանգության ազգային ռազմավարության» և «ՀՀ Կիբեռռեսուրսների կառավարման ազգային համակարգի» նախագծերի մշակման գործընթացը, «Ազգ-բանակ» հայեցակարգի գիտական իմաստավորմանն ուղղված ՊԱՀՀ-ի հրատարակությունները, գիտահետազոտական գործունեությունը: Պրոֆեսոր Քոթանջյանն անդրադարձել է Համալսարանի կրթական բաղադրիչի զարգացմանը՝ ի դեմս Ռազմավարական պաշտպանական անվտանգային կրթության ազգային ինստիտուտի: Նա նշել է, որ ՊԱՀՀ-ի կրթական ծրագրի մեկնարկը տրվել է ՀՀ Նախագահ, Զինված ուժերի Գերագույն գլխավոր հրամանատար Սերժ Սարգսյանի՝ 2017 թ. հոկտեմբերի 24-ին ՊԱՀՀ-ում արված դասախոսությամբ, որի ընթացքում նա ՊԱՀՀ-ի «ՀՀ պաշտպանական համակարգի բարեփոխումների ռազմավարական ուղենիշները» վերապատրաստման դասընթացի շրջանակում հանրությանը ներկայացրել է «ՀՀ ԶՈՒ-ի արդիականացման 2018-2024 թթ. ծրագրի» ռազմավարական ուղենիշները:

Փոխգնդապետ Տիգրան Քոչարյանը հանդիպման մասնակիցներին ներկայացրել է ՀՀ պաշտպանության ոլորտի օրենսդրության վերանայման նպատակը և բովանդակությունը, պաշտպանության ոլորտի օրենսդրական վերակարգավորումները՝ կառավարման խորհրդարանական համակարգին անցման պայմաններում, ինչպես նաև դրանց նորմատիվ իրավական ապահովման գործընթացը: Բանախոսի կողմից «Ես եմ» և «Պատիվ ունեմ» ծրագրերի ներկայացումն անցել է ակտիվ հարց ու պատասխանի ձևաչափով, քանի որ ներկաներին հետաքրքրում էին երկու նոր ծրագրերի մանրամասները, ավելին՝ շատերն ունեին զորակոչային տարիքի հարազատներ, զավակներ և նրանց շահագրգռվածությունը ծրագրերին մանրամասնորեն ծանոթանալու և տեղեկացված լինելու հարցում զգալի էր:

Հանդիպման վերջում կրթահամալիրի տնօրեն Աշոտ Բլեյանը իր խոսքում բարձր է գնահատել բանախոսների զեկուցումներն ու լսարանի հետ շփումները: Իր եզրափակիչ խոսքում պրոֆեսոր Քոթանջյանը հատուկ կերպով նշել է Աշոտ Բլեյանի հայրենանպաստ գործունեոթյունը 1988 թվականի աղետաբեր երկրաշարժի հետևանքների հաղթահարման Շտաբի ներքո և Ղարաբաղ կոմիտեին սատարման հարցում, ինչպես նաև նրա նվիրումը «Մխիթար Սեբաստացի» կրթահամալիրի կայացման և զարգացման գործում:

Հյուրերը տպավորված էին կրթահամալիրի ղեկավարության կողմից կազմակերպված բարձր ընդունելությունից: Հատկանշական է, որ հանդիպումն անցել է ինտերակտիվ մթնոլորտում, կրթահամալիրի սաները հնարավորություն ունեին ոչ միայն ուղիղ և ազատ կերպով հյուրերին ուղղելու իրենց հուզող հարցերը, այլև քննարկելու դրանք նրանց հետ:

Առլեն Շահվերդյան

Լուսանկարների տրամադրումը՝ «Մխիթար Սեբաստացի» կրթահամալիրի Ավագ դպրոցի:

_______________________________________________________________________________

ՀԵՂԻՆԱԿԱՅԻՆ ԻՐԱՎՈՒՆՔՆԵՐԻ ՊԱՇՏՊԱՆՈՒԹՅԱՆ ՎԵՐԱԲԵՐՅԱԼ

ՀՀ ՊՆ Պաշտպանական ազգային հետազոտական համալսարանի, ՊԱՀՀ-ի «Հայկական բանակ» ռազմագիտական հանդեսի և դրա «Աշխատանքային տետրեր» հավելվածի՝ «Ռազմավարագետ» բլոգ-կայքում տեղադրվող բոլոր համարները, ինչպես նաև կայքի մյուս բոլոր հրապարակումները պաշտպանված են ՀՀ ՊՆ ՊԱՀՀ-ի Հեղինակային իրավունքով: Մեջբերումներ անելիս հղումը «Razmavaraget.wordpress.com»-ին պարտադիր է: Հեղինակային հոդվածների, գրառումների, հանդեսի «PDF» համարների, լուսանկարների մասնակի կամ ամբողջական վերարտադրությունն այլ կայքերում կամ զանգվածային լրատվամիջոցներում առանց «Razmavaraget.wordpress.com»-ին հղման արգելվում է:

© ՀՀ ՊՆ Պաշտպանական ազգային հետազոտական համալսարան 
© Բոլոր իրավունքները պաշտպանված են, 2018

Տիգրան Քոչարյան. «Պաշտպանության ոլորտի օրենսդրական վերակարգավորումները՝ կառավարման խորհրդարանական համակարգին անցման պայմաններում»

Պրոֆեսոր Տիգրան Քոչարյանը «Power Point» ձևաչափով ներկայացնում է իր զեկուցումը:
Լուսանկարում ձախից՝ աջ. Ս. Կեգիշյան, Գ. Աղաջանյան, Վ. Գեղամյան, Տ. Քոչարյան, Բ. Պողոսյան,
Դ. Մանասյան, Մ. Սահակյան:
 

2018 թ. հունվարի 31-ին ՀՀ ՊՆ Պաշտպանական ազգային հետազոտական համալսարանի Ազգային ռազմավարական հետազոտությունների ինստիտուտի Տարածաշրջանային ռազմավարական վերլուծությունների կենտրոնի կողմից կազմակերպվել էր սեմինար-քննարկում՝ «Պաշտպանության ոլորտի օրենսդրական վերակարգավորումները՝ կառավարման խորհրդարանական համակարգին անցման պայմաններում» թեմայով:

Սեմինարի հիմնական բանախոս, ՊԱՀՀ-ի ԱՌՀԻ-ի Տարածաշրջանային ռազմավարական վերլուծությունների կենտրոնի գիտնական-վերլուծաբան, քաղաքական գիտությունների դոկտոր, պրոֆեսոր Տիգրան Քոչարյանը ներկայացրեց պաշտպանության ոլորտում իրականացվող փոփոխությունները հանրապետության՝ խորհրդարանական կառավարման ձևաչափին անցնելու պայմաններում, ինչպես նաև դրանց նորմատիվ իրավական ապահովման գործընթացը: Բանախոսի կողմից համալիր վերլուծությամբ ներկայացվեցին ՀՀ-ում 2015 թ. անցկացված սահմանադրական բարեփոխումները և դրանց ազդեցությունը պաշտպանական համակարգի վրա: Նշվեց նաև, որ ներկայումս ակտիվորեն մշակվում և ընդունվում են ՀՀ խորհրդարանական կառավարման ձևին անցնելու կապակցությամբ երկրի պաշտպանության ոլորտին վերաբերող օրենսդրության արմատական վերափոխումներ: Գիտագործնական առումով ընդգծվեց նաև, որ պաշտպանության ապահովման կառուցակարգը պետք է ոչ միայն ռեֆլեկտոր կերպով արձագանքի սպառնալիքներին և մարտահրավերներին, այլև ունենա դրանց կանխատեսման հնարավորություն, այդ սպառնալիքները կանխելու ու կասեցնելու համար ժամանակին միջոցառումներ ձեռնարկելու կարողություն:

Սեմինար-քննարկումը վարում էր ՊԱՀՀ-ի պետի՝ գիտության գծով տեղակալ-Ազգային ռազմավարական հետազոտությունների ինստիտուտի պետ, պ.գ.թ. Բենիամին Պողոսյանը: Մասնակցում էին ՊԱՀՀ-ի ԱՌՀԻ-ի Տարածաշրջանային ռազմավարական վերլուծությունների կենտրոնի պետ, պ.գ.թ. Դավիթ Մանասյանը, նույն կենտրոնի գիտնական-վերլուծաբաններ՝ պ.գ.թ. Վարուժան Գեղամյանը, ք.գ.թ. Մհեր Սահակյանը և ՊԱՀՀ-ի ասպիրանտ Գրիշա Աղաջանյանը, ինչպես նաև ՊԱՀՀ-ի իրավաբան, ՊԱՀՀ-ի հայցորդ Սարգիս Կեգիշյանը և ՊԱՀՀ-ի ավագ սպա, ՊԱՀՀ-ի հայցորդ, մայոր Առլեն Շահվերդյանը: Սեմինարի ընթացքում ծավալվեց ակտիվ քննարկում և կարծիքների փոխանակում:

© ՀՀ ՊՆ Պաշտպանական ազգային հետազոտական համալսարան

___________________________________________________________________________________

ՀԵՂԻՆԱԿԱՅԻՆ ԻՐԱՎՈՒՆՔՆԵՐԻ ՊԱՇՏՊԱՆՈՒԹՅԱՆ ՎԵՐԱԲԵՐՅԱԼ

ՀՀ ՊՆ Պաշտպանական ազգային հետազոտական համալսարանի, ՊԱՀՀ-ի «Հայկական բանակ» ռազմագիտական հանդեսի և դրա «Աշխատանքային տետրեր» հավելվածի՝ «Ռազմավարագետ» բլոգ-կայքում տեղադրվող բոլոր համարները, ինչպես նաև կայքի մյուս բոլոր հրապարակումները պաշտպանված են ՀՀ ՊՆ ՊԱՀՀ-ի Հեղինակային իրավունքով: Մեջբերումներ անելիս հղումը «Razmavaraget.wordpress.com»-ին պարտադիր է: Հեղինակային հոդվածների, գրառումների, հանդեսի «PDF» համարների, լուսանկարների մասնակի կամ ամբողջական վերարտադրությունն այլ կայքերում կամ զանգվածային լրատվամիջոցներում առանց «Razmavaraget.wordpress.com»-ին հղման արգելվում է:

© ՀՀ ՊՆ Պաշտպանական ազգային հետազոտական համալսարան 
© Բոլոր իրավունքները պաշտպանված են, 2018